الأربعاء، 23 سبتمبر 2009

عيدنا وعيدهم !

في البداية أحب أن أهنئ جميع الأمة الإسلامية بمناسبة عيد الفطر المبارك ..
أعادة الله علينا وعلى جميع المسلمين بالخير والمسرات ..


كان العيد هادئاً على غير عادته في هذا العام لأن العديد من عائلتنا قاموا بقضاء العيد خارج البلاد .. لكن الحمدلله بالرغم من أنهم لم يكونو موجودين إلا أن تحركات صغار العائلة جعلتنا ننسى بأنهم لم يكونو موجودين معنا .. سبحان الله عندما كنت أراقب الصغار وأراقب تصرفاتهم وكيف يقومون بعَد النقود ( العيدية ) .. تذكرت حالي وحال أبناء أعمامي وعماتي في الماضي .. كنا نقوم بنفس الأشياء لكن هناك فروقات قليلة بيننا وبينهم ..


* هم يحصلون على عيدية قدرها ألف درهم وما فوق بينما كنا نحصل على مئة درهم فقط
في بعض الأحيان عندما تصل عيديتنا إلى 95 درهم كنا نذهب لإمهاتنا لكي يقوموا بإعطائنا 5 دراهم لكي يصل النقود لدينا إلى 100 درهم


* هم يذهبون لقضاء العيد في المحلات التجارية (المولات) بينما كنا نقضيها فالحدائق الترفيهية ( حديقة الهيلي ) p;


* هم يشترون الموبايل والسوني والابتوب بالعيدية بينما كنا نشتري الباربي والسيجا والفاملي

بالمناسبة لقد تلقيت أحلى عيدية في هذا العام وكانت من أخي الصغير !
العيدية كانت عبارة السيجا تلك اللعبة التي كنت أعشها فالماضي .. قمت بتصويرها لكم p;





أختكم

lOsT

هناك 13 تعليقًا:

مهرة سالم يقول...

السلام عليكم .....
بالفعل الأطفال هم روح العيد....
......
بالنسبه للعيديه شوفي هالموقف وزعت على الصغاريه عيال إخواني خمسين ...
وكنت مخرده ربابي قالولي ومتى دور الربابي قلتلهم عاطتنكم خمسين مب بسكم شو تبون بالربابي ...
الله يرحم يوم الربيه والربيتين ....
بطرانييييين عيال هالأيام ...و
مايسدهم شي الله يحفظهم ويهديهم...
........

حديقة هيلي وآثار هيلي بعد مقرر رسمي ....لا والتغير المتحف وإلا حديقة الحيوان..
......
الله يحفظلج إخوج ...
وهالله هالله باللعب الزين سوبر ماريو وسونيك..
.......
أدام الله أعيادكم بكل خير ...

نمووول يقول...

صباح الخير ..

العيد حلووو حتى لو كان في اخلاف
بين انسان وغيرة

ماكو احلى من السيقا لا اكس بوكس ولا سوني ولا بطيخ (سونك) وبس :)

والحداقة طعمها بالعيد خير اما
المجمعات فاول مرة تدخلينها تستانسين
بعدين تحسين مافيها زووود
الا اذا انتي مدمنه تسوق ؟

كل عام وانتي بخير ولو اني متاخر
شكراً

غير معرف يقول...

هههههه
سيجا و شريط سونيك بعد
يا الله رجعتيني لزمان << حسيت عمري 90 سنة

ايام حلوه و عيد بمعنى الكلمة ,,
رغم ان كل شئ كان قليل بس مُرضي ,,
الأن عندنا كل شئ و لا نرضى ,,

عيدك مبارك ,,
و عساك من عواده ^^

الغدوف يقول...

آآآه يا قلبي على أعياد زمان

كل شي كان له طعم ونكهة رغم بساطته

حتى الطفوله ما عادة طفوله

الحين كل شي موجود وكل شي راهي بس ببرود ومن غير طعم

الحمد لله على كل حال

مرة ثانيه كل عام وانتي بخير

الزهـــــــــــــراء يقول...

العيد زمان كنا ناخذ العيدية تزيد فرحتنا ونحس فيها حب اهالينا اليوم الاطفال ياخذونها يشترون فيها فرحة ضاعت وما بيلاقونها ..
العيد السنة هذي حسيت فرحة وحزن اول مرة احسهم ..
الاولى حزن على فراق الشهر والاحباب والفرحة احساس بالانجاز .. الله يتقبل منا جميعا و يثبتنا بعده امين ..
ومهما كان زي ما نموووول تقووول D:
العيد فرحة باختلاف صورها عند كل واحد .. :)
كل سنة وانت سالمة حببيتي والله يعيده عليكي دايما بكل خير والمسلمين اجمعين
My Kisses
...

lOsT يقول...

نهــار

وعليكم السلام
لول صدق انهم بطرا p;
هيه هاا الله يرحم ايام الربية اللي نشتري فيها اسكريم وجبس .. ويا حلو حديقة الحيوانات والقطار اللي فيها وعين الفايضه .. الله يا أيام مدينة العين ="(

الله يحفظ جميع المسلمين ويديم عليهم الأعياد يارب ^_||

_ _ _

نمووول

صار مساء الخير :$

صدقت ألعاب قبل تحس لها طعم ثاني !!

المجمعات حلوة اذا نحتاج منها شي وطبعا اذا اول مرة يفجون مجمع لازم نسير نكتشف المحلات اللي فيها =)

كل عام وجميع أمة محمد بخير وحياك الله اخويه في المدونه ^_||

_ _ _

أسيرة اللوحة

سبحان الله .. على قولت أبويه حياة أول احلى رغم بساطتها ..

علينا وعليج يالغالية =)

_ _ _

الغــدوف

هيه والله الحمدلله على كل حال :)
ومرة ثانية علينا وعليج p;

_ _ _

الزهـــراء

آآه بالضبط يا زهراء جبتيها !

آمين الله يتقبل من جميع المسلمين
وكل سنه وانتي طيبه كمان معايه يا حبيبتي ;*



مشكورين جميعاً على المرور والردود الطيبه =)

اقصوصه يقول...

هيه والله

وين ايامنا ووين ايامهم

كل شي يتغير :)

عواشي99 يقول...

مرحبااا الغالية .. ^_^

عيدج امبارك و أيامج سعيده .. ولو انها متأخرة شوي ..

صدقج والله كيف كنا قبل وكيف اخوانا الحين ..

كانت حياتنا جدا بسيطة و كنا نفرح بأبسط الاشيا .. اما الحين ما يعيبهم شي كله يتحرطمون و يتشرطون .. لول فديتهم والله ..


تسلمييين على هالبوست ..

تحياتي لج

lOsT يقول...

اقصوصه + عواشي 99

يعطيكم العافيه على المرور =)

ابتسم ^_^ يقول...

السلام عليكم

عيد اول ما فيه احلى منه
اذكر كل شيء كان له طعم ثاني حتى لبس العيد كان غير وكل شيء
لما اشوف الحين اخواني اللي اصغر مني ارحمهم صدق انهم فرحانين بالعيد بس مستحيل زي ايامنا الحين حتى اللبس ما يحسون بطعمه لانه صار طبعي بكل طلعه لبس جديد وين اول

بس الحمد لله احنا عشنا احلى حياة وهم بعد ان شاء الله

lOsT يقول...

^_^ابتسم

صدقتي بكل كلمه قلتيها ..
وحياج حبيبتي فالمدونه =)

جنات يقول...

السلام عليكم ...

لاتذكروني بأيام زمان شقد كانت
حلووووهـ وبريئه ..

لكن الاول تحول .. زي مايقولوا

بالتوفيق ..


جنات :)

lOsT يقول...

جنات

وعليكم السلام
هيه والله .. الأول تحول
الله يوفق الجميع وحياج فالمدونه
نورتيني =)