الخميس، 21 مايو، 2009

Art Show

في يوم الثلاثاء الموافق 19 يناير 2009 قامت كليات التقنية العليا بإفتتاح معرض الرسوم والفنون التشكيلية في كلية الطالبات بأبوظبي ..
لقد تظمن المعرض العديد من اللوحات بعمل طالبات الكلية وكانت لوحتي من بين اللوحات المشاركة ..
قمت بتصوير بعض اللوحات المعروضه .. أترككم مع الصور



لوحات بألوان الباستيل

_ _ _

الرسم على الحرير

_ _ _



مادري شو اسميه هذا .. نقول الفن الياباني p;


_ _ _


بعض من اللوحات الزيتيه







^^

هاي لوحتي للأسف عرضوها قبل لا أخلصها :(

طبعا لوحتي رسمتها بعد ما شفت صورة مطرشيلي اياها على الإيميل =)

_ _ _

ملاحظة : لقد احتوى المعرض على 200 لوحة تقريباً ..

في النهاية أشكر كليات التقنيه على اهتمامها بنا وتوفير الدورات والأدوات اللازمة لتطوير مواهبنا في هذا المجال

وأيضاً أشكر معلمة الرسم جينه =)

في انتظار أرائكم على الصور ^_

هناك 20 تعليقًا:

lil.D يقول...

ماشاء الله عليج يا لوست ..
حلوة رسمتج وايد ..
مادريت بج تعرفين ترسمين ..
وهاي مب كاملة !! ..
راوينا صور ثانية من رسماتج :) .. !!



حبيت الفن الياباني !!
غريب !!

الغـــــدوف يقول...

صباحك أبها.....

ما شاء الله اللوحات قمة قمة في الإبداع

خاصة لوحتك ,,
الله يعطيك العافيه على هذا الرسم الجميييييل

من جد انتي فوق كلمة مبدعة ولا اجامل

ياليت نشوف لك لوحات ثانية

تحيةلك ولريشتك الساحرة
وبالتوفيق من كل قلبي في هذا المجال

مودتي يالغالية

اقصوصه يقول...

الله

وايد حلوه اللوحات

ليش محد خبرني عن هالمعرض:(

احب وايد هالسوالف انا

نهــــــــــار يقول...

السلام عليكم .....
ماشاء الله معرض جميل ..
خصوصا أنه من عمل الطالبات...
....
رسمتج حلوه...
دمتِ في إبداع ...
وعيبتني الصوره السادسه بعد...
...
دمتِ بخير

aabera يقول...

ماشاء الله الصور جميله وصورتك رائعه ياريت نشوفو صور تانية لك ومشكروة وابدعتي

مجرد نقطة يقول...

اللله

نايس والله
وايد عيبني الرسم بالحرير
و رسمتج و ربي رووعه

أبا اشوف رسوماتج ×.×

lOsT يقول...

lil.D
عيونج الأحلى حبيبتي ;)
بالنسبه حق الفن الياباني دخلت كورس وياهم السمستر اللي طاف .. سوينا بطاقات .. هالكورس أعتقد انهم اشتغلو على اللبس الياباني !

_ _ _

الغدوف

صباحج ورد وياسمين
تسلمين حبيبتي والله يعافيج ويوفقج معايه ^_||

_ _ _

اقصوصه

مرورج الأحلى .. ما دريت انج تحبين هالسوالف ولا كنت خبرتج عشان تحظرين .. ان شاء الله عالسنه اليايه اذا بيسوون معارض بزقرج ;)

_ _ _

نهار

وعليكم السلام
تسلمين على الإطراء يالغاليه ^_^ الصورة السادسه فكرتها غريبه محد يا فباله يرسم جي .. طلعت اجنن يوم شفناها على آخر شي =)

_ _ _

aabera

مرورج الأروع وتسلمين على الإطراء حبيبتي =)

_ _ _

مجرد نقطه

عيونج اللي نايس وانتي الأروع ;)
شي وايد لوحات كانو راسمينها بالحرير بس صورة لوحتين منهم


ملاحظة: هاي أول رسمة لي بالزيتي وماعندي لوحات ثانيه بهالألوان
.. عندي لوحات بألوان الباستيل .. ان شاء الله عقب بحطها للي طلب ان يشوف لوحات ثانيه لي ^_||

Paris يقول...

مشالله اللوحات وااايد حلوة

و لوحتج ابدااع صراحه

ذكرتيني بأيام الابتدائي و الرسم .. احلى رسمات يودونهم المعرض ودوا لي جم لوحه بس الحين خلاص اعتزلت الرسم من زمان صار لي يمكن ثلاث سنوات

اخر لوحه ودوها لي المعرض كانت بالتظليل بتدرجات الالوان

و يعطيج العافيه ع الرسمات و الموضوع الحلو :)

myprecious1 يقول...

hi lost

لوحتج روووعة ما شاء الله :)..

أنا بعد أحب الرسم ومن اسبوعين بديت بلوحة بألوان الباستيل.. وبعدني ما كملتا :( ..

بس ما شاء الله عليج .. شجعتيني :p

إن شاء الله بعرض لوحتي في مدونتي يوم بخلصها وأتمنى أشوف رايج فيها يوم بعرضا ..

بس طبعا حاليا مشغولة بالامتحانات :( والبروجطتات :s

سوري ع الإطالة .. وواصلي الإبداع ..

lOsT يقول...

Paris

تسلمين حبيبتي باريس .. شوفي ترى انا نفسج يعني يوم كنت ادرس فمرحلة الإعدادية كنت أحب كلاس الرسم والمس كانت تاخذ لوحاتي .. عقب يوم دخلت مرحله الثانويه وقفت الرسم والحينه رديت مره ثانيه .. يعني ارسم عالمزاج !!
اتمنى اني أشوف لوحاتج الجديمه اذا عندج واذا لا ان شاء الله تردين ترسمين وتراوينه رسمج ^_||

_ _ _

myprecious1

مرورج الأروع حبيبتي .. ماشاء الله الكل طلع رسام هني بس وينكم ليش مخبين مواهبكم p;
أن شاء الله بمر وبشوف رسمتج يوم بتحطينها .. الله يوفقج في دراستج ويوفق جميع المسلمين


مشكورين حبيباتي على المرور .. منوريني =)

فراشة المرج يقول...

ماشاء الله عليج
لوحة تينن

ولوحات تخبل
خاطري احترف الرسم

اسال الله ان يوفقك لكل خير
مبدعه واكثر الغلا

إنسانة يقول...

لوحتك معبرة و فنانة ،،
الرسم موهبة وايد حلوة ،،

بالتوفيق لج و الى الأمام ،،
:)

دمتي بود

بنت الشيوخ يقول...

واااو ماشاء الله لو حات روعه وافكار جديدهـ ^ــ^
لوحتك رائعه واكيييد نبغى نشوف الزود من رسمك :)
ربي يحفظك

lOsT يقول...

فراشة الموج

تسلمين حبيبتي .. بالنسبة حق الإحتراف عليج بالدورات لأن صدق وايد بتستفيدين وبتشوفين ان رسمج قاعد يطور ;)

الله يوفق جميع المسلمين .. وحياج الله =)


إنسانة

تسلمين غاليتي نورتي المدونه .. الله يوفقج معايه ويوفق جميع المسلمين D=


بنت الشيوخ

انتي اللي واو p;
ان شاء الله بتشوفون لوحات ثانيه .. مشكورة بنوته على المرور والرد

يعطيكم العافيه حبيباتي وتسلمون على هالردود ^_||

ramadea يقول...

ياويلي o_O,, خطيييييره يالوست =)

قمة في الابدااع
ودمج واختيار الألوان رهيييب ماشاء الله

فعلا ماتوقعت ترسمين جيه :))

نبي نشوووف رسماااااتك :)

lOsT يقول...

ramadea

:$ شكرا على هالإطراء .. يختي يوم شفت الصورة أكثر شي عيبني فيها الألوان عشان جي قررت اني أرسمها =)

شكرا رمادية على المرور ^_||

][ زاهيـــــهــ ][ ..zahia يقول...

ماااشاااء اللهــ

مرررهـ حلويييينـ رسماااتكــ..



تقبلـ مروووريــ..

lOsT يقول...

][ زاهيـــــهــ ][ ..zahia

مرورج الأحلى وحياج الله ^_||

الحارث بن همّام يقول...

جميل تبارك الرحمن

ابداع :)

lOsT يقول...

الحارث بن همّام

شكراً على الإطراء وحياك الله =)