الأربعاء، 8 أكتوبر 2008

أدعوك في جنح الدجى

نشيدة أحببتها من قلبي ولقد تأثرت بها كثيراً .. رافقتني لمده طويلة من الزمن لا أعرف لماذا كلما أحسست بضيق أقوم بالإستماع لهذه النشيدة بالذات .. النشيدة من إنشاد خالد الحسيان
لقد حاولت البحث عن كاتبها ولكنني للأسف لم أستطع معرفت من أبدع في كتابتها !! =(
يقول الشاعر فيها :
أدعوك في جنح الدجى رباه
وظل الناس تنعم في سنا الاحلام


يارب جاء إليك يسألك الهدى
عبدٌ له عصيانه وظلاله


أدعوك هل لي غير نورك هاديا
حار النهى وتعثرت أقدامي

كم ذا لجأت إليك أشكو حيرتي
ومتاعبي من قسوة الأيام

يا من ينير الروح باهر نورِ
ويزف ألوان الجمال جمال

آنست نور الله جل جلاله
ومشيت حيث مشى النبي وآله


تتغير الأشياء مهما عاود
والله عز وجل لن يتغير

فالبرق حولك والسماء
لروائع الآيات يا اللـــه


للإستماع للنشيدة >>
أدعوك

دعواتكم ^_


هناك 23 تعليقًا:

غير معرف يقول...

جميلة كلمات هذه الانشودة

تقبل مروري اخي الفاضل ،،، اعجبتني مدونتك وطرك طرحك للمواضيع

مهرة سالم يقول...

نشيده بحق رائعه...
لاعجب انكي تستمعين اليهاعند شعورك بالضيق..
فهي بها من المناجاه ما يريح الروح..
..........
انا ايضا يعجبني صوت واختيار القصائد للحسيان...
..........
دمتب بخير..
والله يبعد عنج كل ضيق يالغاليه..

غير معرف يقول...

كلمات جميلة وتبعث بالسكون فعلا
سأبحث عن كاتبها لاحقا بإذن الله :)

لأنهم في هذه الأيام لا يهتمون بالكاتب بل بالمنشد والشريط، وهي من شريط شموخ 1

lOsT يقول...

salemuae

شكرا على الإطرار .. وحياك الله اخويه فأي وقت

lOsT يقول...

m.k

مرورج الأروع والله يبعد عنا وعنج وعن جميع المسلمين =) ..
قوم الحسيان .. في منهم اثنين ينشدون .. واحد اسمه محمد والثاني خالد .. واثنينهم ماشاء الله عليهم يختارون كلمات لها معاني جميله فأناشيدهم .. الثاني ما أنشد غير 4 أناشيد على ما اعتقد لأني ما حصلت له أناشيد فالنت ولا فالأشرطه الجديمه غير 4 .. أما الأول فهو معروف وأحلى شريط له شريط اسمه أناشيد 94 كلماتها وايد اذا ما سمعتيها انصحج تسمعين نشيدة سبحي ..


عابر سبيل

أخويه عابر إذا حصلت اسم كاتبها فياريت تقوللنا .. بالنسبة لأناشيد هالأيام أختربت الصراحه لأن أغلبها ايقاعات ويدققون فالايقاع والصوت أكثر من الكلمات وحتى اذا كانت الكلمات حلوه يخربونها بالإيقاع !!
أذني ما قامت تستقبل الأناشيد اليديده =/

غير معرف يقول...

السلام عليكم ورحمة الله وبركاته

انا متلخبطه هل إنتي لوست لوست والا وحده غيرها ؟؟؟

غير معرف يقول...

ياااااااااه ذكريات يالوست
ذكرتني بشريط 94 كان ومازاال من اشرطتي المفضله ودووم الحسيانيين متميزين :)

استغربت من نفسي يوم ماعرفت هذي النشيده ادعوك ><
بس بااين قديمه مـــره
حلوه ماشاء الله

انا ايقااعيه :) بس أحن مرات لأيأم البدون !
ايام اول وثاني وثالث متوسط خخخخ
بعدين بدأ الايقاع يظهر بكثره
في ايقاعات حلوه وفي ايقاعات تعدم النشيده للأسف :(


أهديك هذي النشيده "الجديده " :)
الشوق جَرح جفوني
http://www.uuploadit.com/users/alyagoot/durar2.mp3
من أداء سلمان الملا << لاتقولين مااعرفه :\
وكلمات :سلمان العنزي
النشيده لحملة درر "كلنا نحبه "

استماع ممتع :)

lOsT يقول...

وعليكم السلام ورحمه الله وبركاته

=/

إنتي أي لوست تقصدين =$

lOsT يقول...

رمادية

شريط 94 ما عليه كلام انا بعد اعتبرها من أفضل الأناشيد

أدعوك ماعرفتيها @@ إنتي يديدة >> إذا رسوم ميمونه وعبود ما عرفتيه تبين تعرفين هذا p;

أدعوك كان فشريط الشموخ1 .. أشرطة
الشموخ من الأشرطه المميز في منها 5 أجزاء.. خالد الحسيان كان متواجد فأول جزئين في نشيدة ثانية حلوه له
إسمها المسلم بتحصلينها فالجزء الثاني

بالنسبة للإيقاعات فأنا ما احب الايقاع
احس اي ايقاع لازم يخرب النشيدة أصلن شو الفرق بين الإيقاع والأغاني !!


تسلمين على الإهداء بس ما عرفته او يمكن بعرفه اذا قلتيلي اسم نشيده ثانيه نشدها!!
النشيده بالعاميه احس مالها طعم أو يمكن لأنها يديده ما حبيتها لول p;
>> مب مال حد يهديلها شي ;$

نحن نستقبل لأناشيدالقديمه ونقول لها
أهلاوسهلا ..أمااليديده نقوللها مع السلامه لول^_||

غير معرف يقول...

هههههههههههه
ذوقك صــــــعب يالوست

بس صبري علي شوي ,, لي عوده مع اناشيد "جديده" تــعجبك ان شاء الله
آي هوووب ><

lOsT يقول...

رمادية

لول يمكن اذا يبتيلي نشيدة ينشدها الحسيان بتقبلها بس أهم شي ما يكون فيها خلفيات .. بكون فانتظارج واذا ماعيبتني النشيدة اعذريني عاد :$


بس تعديل ميمونه ومسعود مب عبود >> مادري من وين يبت هالعبود! =/

lil.D يقول...

مشكورة يا اختيه ... يزاج الله خير


:) ....................


أعتقد يت في وقتها المناسب

lOsT يقول...

lil.d

العفو والله يجزي الجميع ..

حياج الله =)

غير معرف يقول...

http://www.audio.uae88.net/playmaq-187-0.html
في رحاب الله - ربيع حافظ

http://www.audio.uae88.net/playmaq-2871-0.html
ينادي فؤادي - محمد العمري

http://www.audio.uae88.net/playmaq-2364-0.html
لك عدت - اسامه الصافي

http://www.audio.uae88.net/playmaq-2365-0.html
رااااائعة الصافي حتى ترضى


http://www.rekaaz.com/media/audio/inshad/mshari_al3rada/ashank_aosaly.mp3

لمشاري العراده وحمود الخضر ,, فيها خلفيات بسييييطه جداً كلماتها فوق الوصف لازم تسمعينها مو شرط تسمعين صوت هوااالتسجيل عشان تقنعين انها نشيده << بتنذبح ><

المجال جداً تطور لووست مو معقول يظل نفس الاسلوب القديم :\

انتظر رايـــــــك
عسى يعجبونك بس << متعوب عليهم ترا خخخخخخ

lOsT يقول...

رمادية

تقيمي على الأناشيد >> أحس عمري من لجنه التحكيم اللي فشاعر المليون لول ;p

.. في رحاب الله ..

النشيدة مب غريبه عليه اعتقد اني سمعتها فبرنامج صباح النور وأنا رايحه الدوام .. كلماتها جميله وأداء المنشد جيد =) >> بس مال مره مرتين وبعدين تكرهينها لول

.. ينادي فؤادي ..

عاد هاي النشيدة بالذات ما احبها .. بنت عمتي كانت كله تسمعني اياها وتحاول اني تقنعني فيها بس مفيش فايده

.. لك عدت ..

هالشريط خلاني اشتريه راعي المحل كنت رايحه آخذ مادري شو من المكتبه وكان هالشريط نازل .. قالي خذيه ترى حلو الشريط قلت خل اجربه .. سمعتها مره اثنين يمكن ثلاث وبعدها كرهت الشريط بكبره =/

.. حتى ترضى ..

ما حبيتها ابد .. حتى لو حاولت ادقق فالكلمات النشيدة ما تساعدني اني اكملها .. ما احب الموال=/

.. نشيدة العراده والخضر ..

أول مره اسمعها حرام كلماتها وايد حلوه بس الخلفيه والرديدة خربو على النشيده!!

رمادية يعطيج العافيه واسمحيلي تعبتج ^_||

غير معرف يقول...

محاوله أخيره بعدها استسلم وارفع الرايه البيضا ><

وحدتي ,, ابراهيم السعيد << يمكن تعرفينها ؟؟
http://www.epda3.net/iv/download.php?ID=218

مراقبة الله - ابراهيم السعيد
ما اتخيل هذي النشيده بدون خلفيات !!
http://www.islam4m.com/anasheed_show-730.html
وماتقدرين تقولين عنها مو حلوه :))))

ربي سألتك - العراده
http://www.islam4m.com/anasheed_show-732.html

اخي انت في البيد -اسامه السلمان
هذي قديمه بس انا احبها نفس ستايلك *_*
http://www.islam4m.com/anasheed_show-544.html

بريق اللجين ,, هنا انا معاك الرديده خربوها خخخخ
http://www.islam4m.com/anasheed_show-755.html

ومسك الختام هزتنـــي وابداع محمد مطري :)
http://www.3rb-gate.net/sound/enshad-2/Antanse/5.wma

مدري ليه الروابط تطلع كذا ؟؟؟

لازم لوست تطلع عذاريب ><
هالمره الاناشيد مدروسه :|

lOsT يقول...

رمادية

هاج رايي =$

وحدتي
ذكرتيني فأيام ثالث ثانوي .. هاي أعرفها =)

مراقبة الله
إي ده .. اورق واضح @@
النشيدة حلوه وكلماتها أحلى بس ليش مبالغ فالخلفيه يالسعيد :@

ربي سألتك
كلماتها عوار قلب ="( >> 10 على 10
بس النشيدة 2 من 10 =/

اخي انت في البيد
هاي جديمه !! ما أعتقد انها وايد جديمه !!
ما حبيتها =$

نشيدة بريق اللجين
مثل ما قلتي الخلفيات =/

هزتني
ما أحب جي اناشيد !!

رمادية قتلج اذني ما قامت تستقبل الأناشيد اليديده واذا استقبلت أي نشيده مال مرتين وبس =/

يعطيج العافيه مره ثانيه ^_||

غير معرف يقول...

ههههههههههههههههه
تدرين أنتي لو يمي ,, كاان ذبحتك :/
ووووش اورقه يابنت !!!!!!!!
اجل لو تسمعين نسخة الايقاع !!!شتقوليييين @-@

امممممممممم
ادووور شي اعلى عن الاورق
:
:
مافيه خخخخخخخخخخ

أنتي مثل اخوي "شنغل" << لو يدري عني يذبحني ><

مع انه بثاني تانوي الا انه مثلك مايستسيغ الجديد بسهوله وغاثني بنشيدة البشيري السعاده ><


بس انا اللحين ارتحت وراضيه بالتقييم الاخير هق ^_||

lOsT يقول...

رمادية

لول والله يوم كنت قاعده أكتب الرد قلت هاي بتذبحني p;

ذوقي صعب مب بس فالأناشيد للأسف فكل شي =/

يلا أهم شي انج ارتحتي ورضيتي يالسراقه =/ >> ^_||

مصطفى محمود يقول...

ما شاء الله
رائعة

أول مرة أسمع لخالد الحسيان
اعتقد اخو محمد الحسيان
مش كده ؟
;)

بارك الله فيك
أنشودة رائعة

lOsT يقول...

TeVa

خالد الحسيان منشد قديم عشان جي ما استغربت يوم ان اكثركم ما عرفه .. بالنسبه اذا كان هو يقرب حق محمد الحسيان فما عندي علم اذا كان اخوه

الله يبارك فجميع المسلمين .. والحمدلله انها اعجبتكم

arwa يقول...

رائـ ع ـه النشيــده جداا,,,

يعطيك العااافيه خيتو

تقبلي مروري السريع على مدونتك :)

lOsT يقول...

بنت الشيوخ

مرورج الأروع والله يعافيج

نورتينا ^_||